SYEIKH HASBULLAH AT-THAHIRI

In Lupa’ Sug iban Sabah ha jaman nakauna tanug pagdaratungan sin manga Ahlul Bait daing ha hula’ Yemen iban sin kaibanan pa hula’ Arab. Ba’gu ba’gu ini awn hambuuk bagay ha Sandakan nakauki marayaw sin hambuuk Guru dakula’ amun malaggu’ in natabang niya hapagpasaplag sin Islam ha partangngahan sin tahun 1900. Bunnal niya bang bukun daing ha tuyu’ magbungkal sin manga nakatapuk, mahunit na lagun in manga nusulan sin nagkalimun lawa’.

In guru ini in ngan niya hi Syeikh Hasbullah At-Thahiri. In maas sin guru ini in awal daing ha hula Aden, Yaman. In ama’ niya hambuuk maguusaha iban magdada’wah. In diyatungan niya hula ha likusantara amuna in Johor, ampa timudju pa Sug, ampa piya Sandakan. In Ama’ niya ini, hi Syeikh Said Bin Ali At-Thahiri, nakaasawa Tausug naghuhula’ ha Sandakan.

Hi Syeikh Hasbullah At-Thahiri hambuuk dugu’ sug bar-ilmu’.  Ha tahun 1913 in syeikh ini nakapangadji ha Madrasa Al- Attas Al Arabiah Al Islamiah ha Johor. Nakatalus man nangadji didtu nanghindu’ siya ha Madrasah Al Sagof Al-Arabiah, Singgapura ha tahun 1924. Pagubus daindidtu piya Sug siya nagpasaplag sin kallam sin Allah pa manga Bangsa Sug.

Ha Sandakan in Syeikh ini nagpapanaw sin pagda’wah ha Masjid Jami’ ha laum daira. Nagsabab daing ha tuyu’ niya in Islam ha Sandakan kimusug iban in Masjid Jami’ nahinang pusud pagpangadjian ha Sandakan. Awn bayta’ ha jaman ini sambil manga tau daing ha Lupa’ Sug magpakaratung pa masjid ini mamusu’ ilmu ha Syeikh. In daran hihinang sin Syeikh ini ha Masjid Jami’ biya’ na sin Magmawlud, Magtahlil, Magduwaa, Magnasihat iban maghindu’ ha manga tau pasal sin Fardu’ ‘ain iban Fardu’ Kifaya. Sambil ha jaman yadtu naparayaw niya in parsugpatan sin manga Muslimin ha Sandakan.

In ngan sin Masjid jami ha daira Sandakan, amun ha taas bud, piyagsangay kaniya.

Yari in hambuuk daing ha manga bunga lima sin Syeikh kiyabaakan labay ha pagasubu ha manga asu kampung sin syeikh amun masi yari bihaun ha Sandakan.

In katan bayta’ pasal sin Syeikh ini nakawa’ daing ha http://khalifahsuluk.blogspot.com .

Islam: the brighter Light for my future

Being new to Islam, I was worried on how to be a worthy Muslim. I embraced, this number one ranking religion in the world, early before my marriage. Many of my co workers were amazed after they knew that I got married to our fellow worker Muslim. It added to their surprise when they knew that I had reverted to Islam. They had thought that maybe my husband forced me to do so. Actually, I already embraced Islam before our marriage. It was my decision to accept Islam. To me Islam is the only brighter light to guide me in this world and in the hereafter. There were also some of my co workers understand my decision but there were also some who doesn’t. I cannot blame them, as we all know to please everybody is indeed difficult.

At that time, I was struggling hard to put myself in line with the newly faith that I have. My mind and heart then was wrapped with sin most particularly in worshipping others besides Allah. Alhamdulillah, with Allah’s guidance and mercy I was able to cope up with my new milieu. I also thankful to my husband for sharing his knowledge of Islam, it did help me a lot to understand all about this faith.

Months passed by I decided to perform the solat. I can’t describe the feelings that I had then, all I did was cried. I felt ashamed; I felt I’ve no right to faced Allah because of the sins mounted on myself. But my husband is always there to soothe me with his words that Allah is the most merciful and most forgiving. If we are sincere in asking for forgiveness, Allah forgives.  Then little by little I felt light within my heart knowing that Allah had forgiven my sin.

I thank you Allah for choosing me to embrace your wonderful religion.

Picture source: http://ra7maa.com/up2/files/1/islamic_light.jpg

-Mel Abdurajim -

Nasihat: Magbissara ha Mayran Majlis

Manga taymanghud,

Daing ha sabab in kitaniyu bangsa Sug timaud na in kaingatan ha dunya bihaun, kalagihan natu’ in subay imingat unu unu na kapandayan amun mangdahi katu’ pa hikasung ha unu unu na tibayhuan sin kabuhi’.

Bihaun in bissarahun ta palihalan sin “Pagbissara ha Unahan” sin manusiya atawa ha mayran majlis. Bang natu’ dungdungan in magbissara ha unahan, misan bukun na ha mayran daran natu’ nahinang. Karna’ sin bihaini na in palantara’ sin kitaniyu di ha dunya. Hangkan subay natu’ da isab kitaun bang maunu in ingat atawa iyabutan natu’ hapagpasampay sin hajat natu’ labay hapagbissara.

In nasihat ini, muna-muna, iyusal sin kami hapaganad magbissara piyaawn sin manga lungbu’ ba’gu di ha Malaysia. Kalu, daing ha lasa maniyu’-tiyu’ in luun sin bayta’ ini, makaganap sin kiyaingat ingatan ta ha pasal pagbissara atawa makaukab sin manga kakaingat yari nakatatawu’ ha ginhawa natu’.

Ha adlaw adlaw kabuhi, in pagbissara landu’ tuud natu’ hipaglagi. Tumagna’ daing ha maglawag bagay, tunang, usaha, maghindu’ sambil na pa magpasampay agama. Adapun misan in pagbissara maluhay hinangun sumagawa’ bang magbissara na ha mayran majlis mataud in tau di’ makapamung misan bukun umaw. Ha hal ini, in muna dumatung parasahan ha magbibissara amuna in “Hanggaw” atawa “buga’”. Laung hi Lenny Laskowski, in umbul hambuuk kabubugaan sin manusiya amuna in magbissara ha unahan. Labi pa kunu’ in buga’ sin 41% manusiya’ magbissara ha unahan daing sin kabuga’ ha mapatay.  In manga tanda’ tanda’ sin miyuga’ in tau apabila siya sung na missara biya’ na sin; hulasan in lima, kumusug in kuba kuba, malawa’ in panumtum, sambil awn waktu humunit magnapas.

In pangasubu unu in hinangun sin kita bang bihaini na in dumatung parasahan?

Giyanapan pa hi Laskowski, in pananaman hanggaw dumatung ha manusiya’ kabiyaksahan na magjatu apabila sung na missara pa unahan. In hiluun pa laum pikilan apabila makananam na bihaini, subay taliun sin kita in hal hanggaw ini “Normal” na magjatu ha katan manusiya’. Bang ini mahinang, in hanggaw kiyananaman kumu’ tiyu’-tiyu’. In sumunud hinangun; subay kaw magtagama atawa saddiya tuud ha hi bissara ha unahan. In pagtagama iban paganad sin hi bissara ha unahan makadagdag 75% sin buga’. Ampa ingatun in rahasiya pagnapas ha supaya in buga’ atawa hanggaw kiyananaman kadagdagan pa 15%. Laung sin hambuuk guru ha Zamboanga, apabila kumusug in kuba kuba ha sung missara, hanggita in napas mu pa laum. Baliki makamataud sahingga in kuba kuba yadtu mag”Normal”. Adapun in 10% hanggaw didtu na makawa’ hapagpahantap sin pamikil apabila sung na missara ha unahan.

Yari in hangpu’ nasihat hasupaya magmumpaat magbissara ha unahan:

1.       INGATA IN PANYAP HIPASAMPAY MU – Pi’ kaw “topic” amun kasusuban atawa amun kaingatan mu, ampa mu palauma in panghati mu hadtu. Bang in hibissara mu ha unahan kulang in panghati mu in kaawnan hanggawun kaw. Imbis na in tau dumungug sin nasihat mu in kakitaan nila gumuwa’ kaymu amuna in hanggaw.

2.       INGATA IN TAMPAT PAGBISSARAHAN MU- Datung kaw awal pa tampat pagdihilan mu nasihat atawa pagbissarahan mu. Sakat kaw pa taas palaliyan, tindug kaw didtu hapagbibissarahan, bissara kaw ha “microphone”, libuta in tampat paglingkuran sin manga dumungug kaymu. Lingkud kaw ha lingkuran amun paglingkuran mu ha waktu kaw naghihindu atawa nagdihil nasihat.

3.       KILAHA IN MANGA MAGDURUNGUG KAYMU – Bang awn dapat salama in manga kaibanan magdurungug kaymu daha sila magsuysuy/magkila kila. Sabab labi maluhay magbissara ha manga tau kakilahan mu daing sin manga tau amun di’ mu kakilahan.

4.        PAGPAHANTAP KAW SIN GINHAWA MU – Napas kaw agak-agak pa laum ampa mu pungpungun manga 4 pa 5 saat. Lingkud kaw pagpatanam. Pasawaha in aymuka mu atawa uyum kaw.

5.       KITAA IN BARAN MU – Bayang bayanga in baran mu miyanaw na pa unahan, salta’ tiyutuppakan na sin manga dumungug kaymu, mimissara ha unahan iban sin suwara mu lamma lambut salta’ marayaw in pagpasampay sin nasihat atawa paghindu’. Bang mu mabayang bayang in baran mu nagmumpaat magbissara, InsyaAllah, magmumpaat dakaw isab.

6.       TALIA IN MANGA DUMUNGUG KAYMU IN KABAYAAN NILA MAGMUMPAAT KAW – In katan magdurungug in kabayaan nila in magdirihil nasihat di’ makalisu’, maingat magpasampay, iban mataud makawa’ nila kapangadjian.

7.       AYAW MANGAYU’ MAAP PASAL SIN GIYUPU KAW – In magdurungug mahang makabistu giyupu in nagnasihat sahingga hibayta’ niya sin giyupu siya. Daing ha sabab yadtu bang siya namayta’ in maatud sin dimurungug didtu amun kagupu bukun amun hipasampay niya. Adapun bang siya di’ na mamayta’ in magdurungug di’ da maghaatay.

8.       TUTUG KAW DUUN HA HIPASAMPAY BUKUN HA GUPU – Bang in pikilan mu tutug duun ha hipasampay iban ha nagdurungug kaymu in gupu inut inut malawa’.

9.       HINANGA IN GUPU PA HIKARAYAW SIN PAGPASAMPAY MU – In gupu amun kananaman mu ha panagnaan kaw sung missara mahinang da isab hambuuk panyap hikatabang kaymu. Pa’gangi in gupu marayaw, ampa mu hinanga sabab sin hikatahan iban hikatagi magsuysuy.

10.   HINANGUN MU PANGADJIAN IN MANGA KIYALABAYAN – In katan sin ampa naganad magbissara asal makalabay hadja kasigpitan ha panagnaan sumagawa’ bang maglulugay na in katan malawa’ da.

In labi apdal tuud hapagbissara ha unahan amuna in pagtagama, pagtagama, pagtagama. Tumtuma: "hisiyu siyu in di magtagama, nagtagama na siya sin di’ hikamumpaat kaniya."

Abunnawas nagkissa ha Sultan IV

Ha dum hambuuk, in sultan nagdaak na isab kan Abunnawas pasugpatan in kissa niya makainu-inu iban makaajaib yadtu, amun nahinang kasusuban sin Sultan. Jimawab hi Abunnawas, “Iban kagaan sin atay, wahai Sultan marayaw iban masanyang…”

Diyungug sin iypun mu, wahai Sultan masanyang, in daraakun yadtu nagsuysuy ha Sultan sina’ bahawa in bata’ ba’gu yadtu namung:

Nalugus in nakura’ magjajaga yadtu nagbangun daing ha katugan niya sambil nagdaak ha babai yadtu, “ayaw kaw maglugay-lugay, Subay mu ukabun in baul ini.”

Nagtagha’ isab in panagnaan baul in amun sung ukabun amuna in baul piyagluluunan kaku’. Ha waktu in manga daraakun nagda sin baul madtu pa nakura’ magjajaga yadtu, nalawa’ na aku ha sayu salta’ ha laum sin nabingaw nakalimug aku ihi’ sambil in ihi’ ku imanud na paguwa’ sin baul. Ampa namung in babai yadtu, “Wahai kaw magjajajaga, liyugi’ muna aku iban sin manga kaibanan maguusaha sabab sin nalarak na in manga kapanyapan hi Zubaidah. Sabab in baul ini liyuluunan sin tamungun niya indajinis walna’ salta’ iban hangka galun tubig jamjam. In luluunan sin tubig yadtu ba’gu hadja naasag tantu in tubig yadtu hikakangi’ ha walna’ sin manga badju’.

Namung in magjajaga yadtu,”kawaa na in baul ini ampa kaw kadtu, sagawa’ pagangkat hadja sin manga daraakun sin baul piyagluluunan kaku’, awn diyungug ku hambuuk suara, “Aduy, Aduy, khalifa, Khalifa!” Pagdungug ku sin suara ini, in jantung biya’ hantang himundung na naghibal. Pagubus yadtu diyungug kuna in Khlaifa nagasubu ha babai yadtu, “Hai kaw, unu in luun sin manga baul mu ini?”

Simambung in babai, “ Tamungun suku’ hi Zubaidah.”

Namung in Khalifa, “Ukaba katan kitaun ku.”

Pagdungug ku hadtu, kiyaingatan kuna di haini tumubtub na in riwayat ku. Pagubus yadtu diyungug kuna in babai namung pa khalifa, “Wahai nakura’ sin tau bariman, in manga baul ini piyagluunan sin tamungun iban kapanyapan hi Zubaidah, iban di’ siya mabaya’ in luun sin manga baul yan kakitaan misan hisiyu.”

Sumagawa’ in Khalifa limugus, “subay mura ukabun in manga baul ini, ha supaya ku kakitaan in manga panyap ha laum niya. Daha mari katan.”

Hapagdungug ku ha bissara sin khalifa yadtu, yakin na tuud aku sin simuuk na kaku’ in kamatay. Ampa iyangkat sin manga daraakun in baul madtu pa khalifa. Pagdatung pa khalifa iyukab niya na hambuuk hambuuk sambil tiyanding niya in manga tamungun iban sin kapanyapan sambil in nakapin hambuuk baul dakuman, baul amun piyagluluunan kaku’. Pagsayu ku iyangkat na aku sin manga daraakun diya madtu pa unahan sin khalifa, ha waktu yadtu namaid na aku ha kabuhi’, karna’ kiyananaman kuna in kaigan na aku u. Namung na in khalifa, “ukaba in baul ini ha supaya ku kakitaan unu in ha laum niya.” Daing ha sabab yadtu in manga daraakun us-us na miyadtu pa baul iban gawi magukab.

Sagawa’ in babai ini simagga’, “Wahai tuan ku, didtu nakaw magukab sin baul ini ha unahan hi Zubaidah sabab in ha laum yan rahasiya niya, iban labi mahalga’ kaniya in baul ini daing sin manga baul kaibanan.”

Pagdungug sin khalifa ha bayta’ sin babai yadtu, diyaak niya in manga daraakun hipaangkat in baul yadtu pa laum ampa in duwa daraakun us us na nagangkat sin baul tiyatapukan ku. Ha waktu yadtu agad aku di magparatsaya sin masi pa aku buhi’. In baul yadtu biyutang na ha hambuuk tampat ha laum sin astana’, in tampat piyagbutangan yadtu awn da isab daraakun magjajaga. In kiyarayaw sukud in magjajaga yadtu amuna in kakilahan ku. Nakasuuk man madtu kaniya diyaak niya aku magtuy paguwaun daing ha laum baul.

Pagukab niya sin baul, namung siya, “guwa’ na kaw sapat ampa kaw sakat pa taas di ha hagdan ini. Timindug na aku ampa gimuwa’ daing ha laum baul. Pagtambul niya hadja sin baul simakat na aku pa taas. In manga daraakun kaibanan nagangkat na sin manga kaibanan baul pa laum astana’, iyaagaran sin khalifa daing ha ulihan. Ampa nila iyukab katan in baul, adapun in khalifa limingkud ha baul bakas piyagtapukan ku. Pagubus yadtu timndug in Khalifa ampa simud pa laum tuud sin astana’.

Ha lugay yadtu limilingkud da aku iban sin simud nanahay na kalna’ sin buga’. Bukun da malugay in babai kalasahan ku simakat pa taas sambil namung kaku’, ‘Wayruun na unu unu kabugaan. Pagkugkuyag nakaw tagari rakuman dumatung hi Zubaidah kumita’ kaymu. Kalu kaw makakawa’ sukud marayaw sambil makawa’ mu aku.”

Nimaug na aku pa baba’ sambil limingkud na ha hambuuk lugal sibi’ sibi’. Ha lugay ku naglilingkud awn na simud hangpu’ daraakun, in katan biya’ sapantun bulan, pagubus yadtu timitindug ha laum sin duwa baris (line), in ha ulihan sin hangpu’ daraakun yadtu kawhaan isab daga manga matataas in daghal, miyamanaw nagaagad iban hi Zubaidah, amun agad na di makapanaw ha bu’gat sin panamung iban ari-arihan.

Simuuk man siya kaku’, in manga daraakan nasihag ampa kimawa’ lingkuran hi Zubaidah. Ampa niya tiyawag in manga daraakun, sambil in ha hinapusan niya aku na in tiyawag. Timudju na aku madtu ampa ku siyum in lupa ha unahan niya. Piyalingkud niya aku, sambil limingkud na aku ha unahan niya. Pagubus yadtu iyasubu niya na aku sin manga kahalan ku, sambil isab in aku nagjawab sin manga pangasubu niya.

Paghuwas yadtu gimaan in pangatayan niya kaku’ sambil siya namung, “sapahan ku ha ngan sin Tuhan, Wayruun na siya siya in pagpalaggu’ ku ha babai ini. In siya biya’ da anak ku luggiya’, hambuuk amanat amun hidihil sin Tuhan kaymu.” Ampa niya aku piyahula’ ha astana’ ha lugay hangpu’ adlaw.

Sumagawa in fajar gimuwa’ na. Hi Abunnawas wayna kayba, ampa namung in Sultan, “in suy-suy mu bunnal bunnal makainu inu iban malingkat! Laung hi Abunnawas kunsum dum in suy suy labi maglilingkat.” 

Abunnawas Nagkissa ha Sultan III

Ha dum hambuuk, in sultan nagdaak na isab kan Abunnawas pasugpatan in kissa niya makainu-inu iban makaajaib yadtu, amun nahinang kasusuban sin Sultan. Jimawab hi Abunnawas, “Iban kagaan sin atay, wahai Sultan marayaw iban masanyang…”

Diyungug sin iypun mu, wahai Sultan masanyang, in daraakun yadtu nagsuysuy ha Sultan sina’ bahawa in bata’ ba’gu yadtu namung:

Paglabay hangka pitu in manga maguusaha dimatung kaku’, nanukut na sin siyn nila, sumagawa’ tiyangguhan kuna hadja sila pa sunuan pa hangka pitu. Pagsimana magbalik dimatung na in babai yadtu puas subuh, nangura’ ha kaldai umagak salta’ iban magjajaga kaniya duwa iypun.

Simalam siya kaku’, nakalingkud man ha kadday ku, namung siya, “way aku nakasaut ha janji’ maghatud kaymu sin bayad kakana’ yadtu. Misan bihadtu lawag nakaw madtu magsasambi’ taymaa in bayad ku ini.

Tiyawag kuna in magsasambi siyn, in siyn kiyasambian hipagbayad ha manga maguusaha kakana’. Pagubus yadtu, in siya iban aku duun na naglilingkud nagsuysuy sambil in manga kakaddayan naukab, didtu na ha masa yadtu namayad aku sin kakana’ ha manga maguusaha. Ampa na isab namung in babai yadtu, “Tuan, kawai aku ini iban yadtu.”

Nagus us na aku kimawa’ sin manga kabayaan niya daing ha kadday sin manga maguusaha, pagduhal ku hadja sin piyakawa’ niya magtuy minig, wayruun misan hangsulag bissara pasalan sin bayad niya. Ampa aku timagna’ nagsusun sin nahinang ku, sabab in halga sin kiyawa’ ku kaniya hangibu dinar, ampa aku nagbissara kalahi baran ku:

 
Mahunit tuud! Dihilan niya aku lima ngaibu dirham sagawa’ ampa siya kimawa’ halga’ hangibu dinar, adapun in manga maguusaha yadtu aku in nara nila nagjanji’ ha pagbayad hadtu. Wayruun kusug iban kawasa, mapuas daing ha Tuhan, Amun Maha makusug, iban Mahakawasa. In babai yadtu pasti’ tuud hambuuk panipu, iban mayta’ ku isab way napangayu’ in umbul bay niya.”

Nalawa’ in babai yadtu labi hangka bulan, sambil in manga maguusaha timagna’ na nanglugus magpabayad sin utang kanila iban nagsabab daing ha nakalandu’ na lugay wayruun na aku naghuwat sin pagdatung niya magbalik, piyun kuna in katan alta’ ku iban maksud hidagang. Sagawa’ hambuuk adlaw, ha sa’bu ku naglilingkud salta’ nasusa iban nahilu, dimatung in babai yadtu ampa limingkud ha kadday ku iban pagiyan, “Kawaa in timbangan iban tabuka in bayad ku ini.” Ampa niya diyuhal kakuh in siyn hangibu dinar ampa kami nagpasarap nagsuysuy sambil in aku kiyugan na isab nagbalik. Ampa niya aku iyasubu, “unu awn ka asawa mu?”  

Jimawab aku kaniya iban pagtangis, “Wayruun, Waypa aku bakas nakaasawa”

Nangasubu siya, “Mayta’ kaw nagtangis?”

Jimawab aku, “Wayruun da unu unu.” Ampa aku dima nagbissara ha magjajaga kaniya hinangun ku suluhan magpasampay sin luun atay ku. Sagawa’ in magjajaga yadtu kiyatawa ampa namung, “Sapahan ku ha ngan sin Tuhan, in siya labi in baya’ kaymu dain sin baya’ mu kaniya. Di’ niya kalagihan in manga kakana’ bini’ niya kaymu, sagawa’ hinang niya yadtu karna’ nara sin baya’ kaymu. Pamungan na kaniya unu in kabayaan mu.”

Ampa aku simuuk pa jaga sin babai yadtu sambil namung kaniya, “Tabanga na aku iban ijini aku mamung kaymu unu in nakaluun ha utuk ku ha supaya mu hikasampay ha babai yaun.” Ampa ku biyayta’ kaniya unu in kabayaan ku nakatawu’ ha laum atay.”

“Ibut ibut pasampayan tuud in bissara ku kaniya,” sambil namung pa aku, “hinanga unu unu hadja in pangayuun niya.”

In dum limabay na hadja sumagawa in mata ku masi bulat, in atay iban pikilan ku nagtatali’ hadja ha babai yadtu. Pila adlaw limabay nakaratung kaku’ in magjajaga ha babai yadtu.
Pagdatung sin magjajaga, piyalanjal ku siya ampa ku iyasubu pasal sin boss niya, in jawab niya kaku’, “in siya bihaun nahilu sin lasa kaymu”.

Ampa ku siya iyasubu, “hisiyu tuud in kasabunnalan sin babai yadtu?”

Jimawab in magjajaga, “in siya hambuuk dayang dayang amun maguupiksa kan Zubaidah, asawa sin khalifa, amun nagipat iban nagpalaggu’ kaniya. Sapahan ku ha ngan sin Tuhan, kiyabayta’ niya na kan Zubaidah in pasal mu iban piyangayu’ niya ha supaya ikaw in mabana niya. Sumagawa’ namung hi Zubaidah,” Di’ ta kamu papagtiyaunun ha sahingga kaingatan ku bang in usug yan marayaw usug atawa bukun, iban bang in usug yan matup da kaymu atawa di’.” Bihaun dahun takaw pa astana’ laung sin magjajaga, iban bang kaw magmumpaat makasud pa astana’ ha way makakita’ kaymu, in ikaw makakawin ha babai yadtu, sagawa’ bang kaw kaingatan, in ikaw kaigan u. Biyadiin?

Simambung aku, “Saddiya na aku magad kaymu.”

Ampa in magjajaga yadtu namung, “Bang dumatung na in dum, kadtu kaw pa masjid amun piyahinang hi Zubaidah ha suba’ Tigris.”

Simambung aku, “maraw na”. Ampa aku miyadtu pa masjid, simambahayang Isya ampa natug ha guwa’ sin masjid. Ha waypa in fajar gimuwa’, dimatung na in manga pila daraakun ha hambuuk bangka’ liyuluwanan baul way luun, ampa nila biyutang in manga baul yadtu ha raig masjid ubus man nagbutang minig na sila. Sumagawa’ awn nagpabin hambuuk ha ulihan, ha waktu man kila ku tiyaliti in nagpabin, kiyakilahan ku in magjajaga nagpabin yadtu amuna in dimatung nagkawa’ kaku’.

   

Bukun da malugay gimuwa’ na in babai yadtu ampa simuuk maun kaku’. Nagbangun na aku simalam kaniya, ampa siya limingkud dima nagbissara kaku’, iban sin luha’ pama ligid. Ampa niya aku diyaak pasurun pa hambuuk baul pagubus ampa niya kiyunsi’ ha guwa’. Wayra limugay in manga daraakun amun nagda sin baul kaina dimatung na isab nagdara sin indajinis panyap liyuun pa laum baul. Ubus man nagluun sin kapanyap panyapan ampa nila kiyunsian daing ha guwa’. Ampa nila biyutang in manga baul yadtu ha laum bangka’ ampa nila piyasusul ha suba’ timudju pa astana hi Zubaidah.

Ampa aku nagsusun sin hinang ku, sambil nagbissara aku isa isa, “ Sapahan ku ha ngan sin Tuhan, magkangi’ngi’ na aku ini,” Ampa aku nagtangis iban nangayu tabang pa Tuhan ha supaya aku makaguwa, hangkarai’ paman dimatung na in bangka’ pa lawang astana’ sin khalifa. Ampa iyangkat sin manga daraakun in manga baul lamud na in baul amun piyagluluunan kaku’. Diya nila in baul yadtu daing ha higad sin suba’ in kaibanan isab daraakun nagjajaga sin bangka’. Sampay in nagdara baul yadtu simampay pa nakura’ sin magjajaga. In nakura’ sin magjajaga yadtu nagbangun daing ha lingkuran niya.

Sumagawa in fajar gimuwa’ na. Hi Abunnawas wayna kayba, ampa namung in Sultan, “in suy-suy mu bunnal bunnal makainu inu iban malingkat! Laung hi Abunnawas kunsum dum in suy suy labi maglilingkat.”

In part 1 & 2 yan da ha label "tales". 

Puunan sin patta: http://stat.ks.kidsklik.com/files/2009/11/abu-nawas-gambar-wajah.jpg

Entry to TN Tarasul Contest

TAUSUG (SULU PEOPLE)

Aliazer Abdurajim

Tausug in gulal

Ha dunya landu tampal

Bangsa way nakural

Sabab sin Tuhan Tunggal

Tausug tanyag

Taga pamarinta maluag

Giyatusan tahun iyad

Sin dugu’ magjijihad

Tausug maisug

Mataud nakabantug

Karna’ sin pagbawgbug

Ha hula’ Lupa’ Sug

Tausug pulna’

Bangsa mataud sawasa’

Misan nagsusupa’ mama’

Tuhan daran miyumukalna’

Tausug bugaan

Lumanggal apu’ hinang

Hipu’ sin pamulansang

Hipagbubudjaw saytan

Tausug nakabidda’

Asal daing tagna’

Misan hula’ hiluhala’

Wayruun pa nakakawa’

Tausug masabal

Hipu’ sin pagtawakkal

Misan way bugas sukal

Di’ magpangdihil sukkal

Tausug makasi

Pa bangsa Muslim pagkahi

Bayhu’ masawmbibi

Addat in piyalalabi

Tausug matakin

Magpakusug sin Yakin

Ilmu’ in hiyahambin

Misan wayruun siyn

Tausug matilusa

Mati’but magusaha

Masuwak magsadakka

Papagkahi nasusa

Tausug pantuk

Magbunu’ di’ magirup

Bang martabbat malarut

Dugu’ nyawa hituk

Tausug mapanday

Landu’ kasi magbagay

Misan jasad masalay

Ayaw bagay mabiyal

Tausug mati’but

Ha bissara magbaggut

Misan hat bali lituk

Ha atay ra hibaggut

Tausug naghuhuna’

Kasajahitraan makawa’

Ha manga nasabbut bayta’

Jukup na anughara’

Sin Tuhan MahaKutta’

Sandakan, Sabah Malaysia

10 Muharram 1431 / December 27, 2009

Magbutang Flash ha Blog

Magpakakita' kaw Flash banner? Tantu in jawab niyu huun.

In Flash banner mahinang mu hawnu-hawnu sites. Awn manga sites magdihil sila Free Banner sumagawa' in ngan sin site nila nakabutang duun ha banner. Bang kaw mabaya' sin wayruun "ads" nila awn da isab sumagawa' taga bayad.

Ha biya' katu' bloggers in puhungun ta amun wayna bayad misan dayan yaun in ngan sin site nila mimikit. In suntu' niya biya na sin banner yan kakitaan ha taas.

Bang kaw mabaya' magbutang Flash banner yari in manga hinangun mu:

1. Lawag kaw ha google "Free Flash Banner", atawa bang kaw mabaya' sud na hadja kaw mari pa site ini.
    http://www.123-banner.com/ . Ubus mu magregister paghinang nakaw didtu ha laum sin kabayaan mu hinangun. Ubus maghinang ampa mu hi "Save".

Awn yan banner sites magtuy ra kaw dihilan html code para ha blog atawa website. Sumagawa' bang biya' sin site napi' yan subay kaw lumag "webhost". Sulayi in webhost ini pagbutangan sin File na Save mu. Yari in link niya, http://fileave.com . Ubus mu mag Upload kawaan in code ini.

Pindahi hadja in "[flash URL] yaun sin direct link amun dihil sin Webhost. Ampa kaw sud pa blogger layout, dupuni in add widget, ampa mu dupuni in html/javascript. Pagubus ampa butangan in code yan didtu ha "html/javascript blank space" ampa mu dupuni in save.

Didtu kaw magtaip sin code yan ha Notepad.

Tausug para ha Katan?

"Bang lumurup pa gi'tungan laud way busu tantu di' hadja abutan in manga mahahalga' ha bulian dagat sin Sulu."

Kawni niyu kunu' manga taymanghud, bihaun ini nahilu hala' in katan pihak ha Sulu sambil pa katilingkal dunya pasalan sin identity Tausug. Awn na in nakatayma' - labi awla na in manga yaun ha Lupa' Sug amun asal matampal ha pangatud sin kaibanan sila nayaun in Tausug - damikkiyan awn da isab in wala nakatayma'.

Ha tiranan hadja sin amun giyulal Tausug bihaun mataud pa in "against" ha Tausug citizenship. Bahasa kunu' bang Tausug in usalun as Citizenship dumagbus siya isyu pagpihak da. Karna' amura kunu' in nakatayimbabaw in Tausug. Labi na bang ha dugaing pihak biya' na sin Yakan, Kalibugan, Jama mapun iban sin kaibanan pa.

Sin pila adlaw nakalabay awn daing ha manga professionals sin taymanghud Yakan nagoppose ha idea Tausug Citizenship. Karna' bang para kanila bang sambil Yakan tawagun da Tausug in sakaula-ula kalungkupan sila atawa malawa' in kaprulpulna' nila. Bang laung ta isab kunu' hapagkawasa bang Tausug in maguhan in sila wayruun da "chance" dihilan kawasa mataas ha parhimpunan. Baha' hangkan nila nasabbut in hikaruwa ini pasalan sin manga hal jimatu ha masa sin pagMNLF.

Amuyadtu in manga maniyu' tiyu' kahiluhan pasalan sin pagTausug Citizenship.

Bang ha pangatud sin United Tausug People/Citizens, in TAU-SUG bukun siya manunjuki hambuuk pihak adapun bangsa. Adapun in TAU-SUG bang ha Anggalis SULU PEOPLE. In pangasubu unu in tau ha Sulu, Tausug hadja, bang sawpama in Tausug natarbilang hambuuk pihak hadja? Bukun ka in hambuuk hula' amun taga ukumsakup (sovereignty) awn tuud ngan piyagtibuukan nila? Bukunka in SULU bakas namarinta malugay pa daing sin pamarinta sin Pilipinas? Bukunka in ngan piyagtag kanila sin tau daing ha guwa' duun naka in sila tau daing ha Zamboanga, Basilan, Jolo, Siasi, Bongao in pagtag kanila SULU PEOPLE? Bukun paka mamarahi in manga katanda' tandaan ha nakalabay sin in TAU-SUG bukun hambuuk pihak?

Bukunka in ngan sin kahula' hulaan ha Sug nakauna siyusugpatan ha ulihan sin ngan SULU? Biya' na sin Basilan, Sulu, Jolo Sulu, Bongao Sulu iban sin kaibanan pa.

Daing ha sabab in papanaw sin UTP/C magpalimaya sin hula' ha tiranan sin Sulu Archipelago, wayruun buli rapat in subay ra hipahati in manga pikilan pasal Tausug ini. Unu unu na in pangatud niyu ha hal sin TAUSUG, asal piyatatampal sin kami in TAUSUG bukun hambuuk pihak adapun Bangsa sin katan pihak naghuhula' ha tiranan sin Sulu Archipelago.

Mapuas daing hayan bang awn pikilan niyu ha tungud sin topic ini amun kalagihan natu' pagbissarahan marayaw yan awn "FORUM Button" ha taas klika niyu hadja ampa kamu butang sambag didtu.

Picture source:  www.nctc.gov/site/groups/asg.htm

Brief impression before and after

Before I embraced Islam, there were negative feedbacks I heard from various media pertaining to Islam particularly after 9/11. That information I heard and read became a dirty lump in my heart. Every time I met a Muslim that negative impression looms from my bosom. The people whom I consider then as loving people are only the Christians.

 In my school days that negative treatment did limit the network of my friendship. Even I have plenty of Muslim classmates, due to that biases, it didn’t become a reason for me to get close with them.  To be honest, since elementary up to college I brought with me the package of biases towards Muslims.

Everything had changed as I finished my bachelor degree. I worked then in one of the Catholic movement which is focusing on Muslim-Christian relation. My journey with the movement in a short period of time had slowly melted the frozen dirty lump in my heart. The process is simple. Read and study the culture and religion you hated most. This was the step I did when I was on that movement.

As I studied deeply the text of the Qur’an plus my immersion with Muslim families, all of the biases and prejudices ended. From then I started to get close with Muslims staffs on the movement.  And I slowly learning and understand their way of living.

 

Then it came a wonderful blessing, Allah had chosen me to accept the religion Islam. Although the process is through marriage, in reality, my heart had already trembled by the vibration of Qur’an as I began reading it. I had proved to my fellow Christians workers then that my conversion wasn’t because of my husband, but it is truly came from my heart for Allah’s sake.

Alhamdulillah now I am fully part of the culture which I mocked before. I am so grateful to Allah for choosing me to become a devoted servant of his religion.

- Mel Abdurajim -

Picture source: 

http://th01.deviantart.com/fs15/300W/i/2007/028/0/3/Lady_Muslimah_by_didihime.jpg

Aku!

Biyulanan nakalabay awn CD diyara sin hambuuk bagay nangadji ha pondok Melaka pasalan nasihat sin manga Ahlul bayt sin Rasulullah amun labi in kusug magpasampay ha pamandu' sin Islam ha jaman ini. Puas sin manga indajinis gulalkabtangan sin manga CD diyara niya awn hambuuk amun labi in dayaw kitaun iban hatihun bang unu in bayta' ha laum niya. In gulalkabtangan sin CD yadtu amuna in "Ana" atawa "Aku". Bang ta dayi' dayiun in gulalkabtangan yadtu labi manunjuki pa hal pangadji tasawwuf atawa pagTuhan. Lagi' in nagnasihat hambuuk daing ha manga ulama' guwa' daing ha Darul Mustafa, Yemen, biya' na kan Habib Ali al-Jufri.

Hambuuk waktu siyulayan kita' ha bay bang unu tuud in luun sin nasihat sin hambuuk habib ini. In bunnal niya in lilayan ha laum in puunan niya daing da ha kusug parsugpatan sin hambuuk iypun pa Tag-iypun.

In lilayan sin "Aku" ini bukun manunjuki pamagingat sin baran samata mata biya' sin pagkadungugan ha manga sila amun nangangadji pagtuhan. Adapun in bayta' ha laum manunjuki bang biyadiin in palkataan "Aku" nakapulak palik ha ummat Islam. Tumagna' daing ha pagpaham sin asas kaIslam, papagusaha, pagtuntut ilmu', pagparhimpunan, sambil pamaghinang marayaw. Manjari ha kahawpuan niya hi tudju pakain pakain in bayta' ha laum CD "Aku" ini, wayruun da uwian dugaing daing sin hikahansul iban hikalarak ha manusiya' ha unu unu na tibayhuan sin kabuhi' nila. Sabab in tanda' niya matampal amuna in jimatu ha Iblis la'natullah ha waktu siya pasujurun kan Adam (AS), liya'nat siya sin Allah SWT pasalan sin "nangAku" siya labi mataas in darajat daing kan Adam (AS). Bima'na in pag"Aku" ha baran asal di tuud mangdahi pa hikarayaw.

Kaina ha waktu namanaw panaw, awn manga jimatu ha bangsa Sug/Suluk amun awn parsugpatan pa tapik ini. In jimatu misan di' na mapatarrang marayaw asal da yadtu na limabay. Amura kuman in bayta' ha laum ini bilang dakuman hambuuk pamintangan sin nagsulat ha jimatu kaina.

Awn hambuuk buk siyulat sin Milikan, in gulalkabtangan niya "We". In nasihat ha laum buk ini ha kasimpulan niya, bang kaw mabaya' magmumpaat in pagUpis, in pagParhimpunan, kumusug in pagkasilasa iban sin kaibanan pa subay kaw di' umusal sin "I" atawa aku, adapun in subay usalun amuna in "We" atawa kita.

In kaina kiyasakupan sin mata ini, in jimatu amuna in panyakit "Aku". In jimatu ha kahalan sin Suluk ha Sabah hangkan di' magsung pa taas pasalan sin panyakit "Aku" yaun duun ha pangatayan sin kaibanan nagnanakura' ha tumpukan sin Tausug (tabiya' isab ha way kiyugdan). Damikkiyan in kahalan sin nagpaparhimpunan sin bangsa Muslimin ha hula' hangkan na bihaini pasalan sin "Aku". Bang salugay sin "Aku" limilingkud ha takhta sin pangatayan natu' tantu' di' da siya makadihil kamumpaatan pa katan.

Maganad kitaniyu magig sin "Aku" hapagangkat sin Hula' Bangsa Agama. Karna' in maksud yan maluhay nganan adapun magkalagihan siya tau amun bukun masub ha "Aku" in magparagbus kaniya.

The Parts of the Body

U - Head
Pusal - Crown of the Head
Buhuk - Hair of the Head
Tuktuk - Forehead
Kilay - Eyebrow
Piluk mata - Eyelash
Mata - Eye
Tau tau mata - Pupil of the Eye
Taynga - Ear
Ilung - Nose
Pisngi - Cheek
Simud - Mouth
Higad simud - Lip
Ipun - Tooth
Dila' - Tongue
Taku' - Chin
Gunggungan - Throat
Liug - Neck
Pugay - Nape of the neck
Taykud - Back
Daghal - Chest
Gusuk - Rib
Duru' - Breast
Abaga/Agaba - Shoulder
Iluk - Armpit
Siku - Elbow
Buktun - Arm
Tataklayan - Forearm
Lima - Hand
Pad lima/Siki - Palm of the hand/sole of the foot
Gulamay lima/siki - Finger/toe
Bakul Lima/Siki - Thumb/big toe
Kukku - Nail (of finger or toe)
Pusud - Umbilical cord/navel
Hawakan - Waist/waistline
Tiyan - Stomach
Hugpu' - Upper hip
Kamamau - Lower abdomen
Buli' - Buttock
Hita' - Groin
Paa - Thigh
Tuhud - Knee
Pinggan pinggan siki - Kneecap
Lukunan - Back of the knee
Bi'tis/bitis - The lower leg between the knee and the ankle
Bunga bunga - Calf of leg
Kanting - ankle
Buku buku - Ankle bone
Siki - Foot
Tikud tikud - Heel

Source: Tausug-English Dictionary Kabtangan iban Maana (Irene U. Hassan et. al) 
Picture Source: http://hinapon.wordpress.com/2006/12/page/2/

Tausug Food: A Sharing

Before I married to a Tausug I really don’t have any ideas about their food. How it taste, looks like and to cook it. However as I entered through their culture, by means of marriage, I began to discover a lot particularly about the food which sustaining them. Before, I don’t like to eat their food in a sense that it can’t stimulate my appetite. Perhaps I’m not use of eating them and not part of a culture where I grew up. Along the way, my curiosity brought me to taste the Tausug food. At last, I had entered to the culture apart from mine.

One of my favorite is the Kinilaw, it’s really appetizing. The mixture of unripe mango, vinegar and other ingredients really give a great taste to this appetizer. I also like the Tiyula Itum (black soup). This Tausug traditional cuisine is really delicious. I frequently eat this black soup during the wedding and other occasions we’ve attended. As I’ve noticed this cookery is the symbol of Tausug identity. Although the tiyula itum is spicy but I can assure that it’ll fit your taste.

The Tausug bangbang are also unique in their respective way. Like the wadjit, though it’s just made from combination of few recipes, the taste is very delicious. For me it’s perfect with any soft drinks or hot coffee and tea. Also with the Panganan and Panyam, so far after 4 years immersing with Tausug only these confectioneries I love to eat most. I am glad to the Almighty Allah for choosing me to become a part of the Tausug and being able to taste the secret taste of their food. I know no matter what type of food it is the most important it is good and lawful.

Jameelah Abdurajim

Magbutang FAVICON ha Blog

Malugay isab wayruun post ta ha tiranan ini. Baha' nagsabab sin wala' ta kiyadihilan lipaga in hal yan daing ha angay ini. Unu in Pagtagun FAVICON?

In Favicon amuna in kakitaan mu sibi'-sibi' logo nakabutang ha taas sin blog atawa website. In Laggu' niya ha kiyasulayan ku 100X100 pixels. Depende na kaniyu misan makaasibi' pa daing ha laggu' yan ayaw hadja makalaggu'.

In format niya makajari GIF, PNG, iban JPEG.

Yari in manga hinangun bang kaw mabaya' magbutang Favicon ha Blog atawa Website mu.

- Hinang kaw graphic biya' sin laggu' nasabbut ku ha taas.

- Pagsign-up kaw ha Photobucket atawa unu unu na "Host" websites. (ubus magdesign sin icon logo ampa mu hi upload hi Photobucket atawa unu unu na sites). 

- Ampa kaw sud pa Dashboard sin blogger.com.

Klika in Layout ----- Edit Html 

- Ha di' pa kaw magbutang sin code, Back up pi naa in templates mu. (In pagback up klika hadja in Download full templates) Ampa butangan ha baba' sin /head, biya' sin suntu' ha baba' ini.

    

http://i1003.photobucket.com/albums/af152/alrezai/Tausugicon.png

Atawa kawaun muna hadja in direct link sin logo amun kiyabutang mu ha photobucket atawa unu unu na webhost ampa mu gantian in url siyasapan biyaning yan:

Ubus mu magbutang klika in save ampa mu kitaa in blog mu. Bang kaw mabaya' kakitaan magtuy lanui naa in browser mu (Clear cookies and history browser). Bang ha Google Chrome kakitaan mu magtuy in result. Bang ha internet explorer laung sin kaibanan subay malugay  ampa kakitaan. 

Magbutang Background sin Blog

Magsusung in adlaw, magsusung isab in kapandayan sin manga maghihinang ari-ari ha blog. Ba'gu-ba'gu ini mataud kiyasambanan website pagkakawaan background. Hambuuk daing ha manga tanug bihaun pagkakawaanbackground sin manga bloggers ha internet biya' na sin The Cutest Blog on the Block. Puas daing ha ini awn pa isab kaibanan biya' na sin Shabby, Free blogger Background iban sin kaibanan pa.

In pagbutang ha blog sin manga background maluhay ra. Bang ha pamandu sin The Cutest Blog on the Block bihaini in kahantang niya.

Sud kaw pa blogger.com ampa kaw kadtu pa layout, ubus dupuni in Add gadget ampa mu pi-a in add html. Pagubus mu magcopy sin code ha site piyagkawaan mu sin background hi paste mu hadja didtu ha baba' sin blank space ha add html, ampa mu hi save. Butangan hadja in widget yan haside bar sin blog mu. Ampa mu dupuni in view blog bat mu kakitaan in lingkat sin blog mu.

Magbutang Widget pa Blog

Ha di' pakaw makakawa' Widget ha dugaing site sud naa kaw pa account mu hahttp://blogger.com Pagsud mu pa laum dupuni in "layout". Bang kaw didtu na ha Layout dupuni in "Add a Gadget". Bang maukab lawaga in "HTML". In gumuwa' bihaini in dagbus:


Bang gumuwa na in html box ampa kaw umukab ha kaw ha Google Search Engine sin manga kalalagihan mu widget. Atawa pi' na hadja kaw sin hibutang yan da mataud widgets nakabutang ha add gadget window yan.

(Bihaini in dagbus sin HTML BOX)

Pagsud mu pa halaman sin Widget ikaw na in magpi' bang unu in kabayaan mu hibutang. Ubus mu magpi sin Widget lawaga in "Get Code" atawa "View Html file". Awn waktu in "Code" nakabutang asal ha baba' sin widget. Bang awn na Code atawa html file kakitaan, in hinangun mu right click the mouse ampa mu dupuni in "Select all".

Paghiglight mu ha code hi Right click mu in mouse ampa mu dupunan in copy. Pagubus mu copy hun kadtu kaw pa HTML box ampa mu hi "Paste" didtu. bang in code ha laum na ampa mu dupunan in "SAVE". Ubus mag"Save" dupuni in "View blog".

Pagusaha ha Blog

Awn daying ha manga maghihinang blag in sila di' da tuud maghasil sin mausaha hapaghinang blag. Karna' in maksud nila bangman sila makapasampay sin ha laum atay nila papagkahi manusiya'. Damikkiyan awn da isab daing ha kaibanan mabaya' sila magusaha sambil magpasaplag sin ha laum atay nila pa pagkahi nila. Unu-unu na in panindug ta ha tungud magblag di' dadtu hikaunu.

In pagblag in bunnal niya hikasiyn, karna' ba'gu-ba'gu ini kita' ku in google ad sense akaun ku awn na luun dollars. Bima'na bukun na hadja hat suy-suy atawa nabassa ku, adapun kiyasaksian na sin duwa mata ku.

Biyadiin in kausaha ta ha blag?

In magusaha ha blag in kalagihan subay awn na asal nahinang blag ha Blogger atawa ha Wordpress atawa ha kaibanan websites. 

Bang awn na blag nahinang mu agara in pamandu' ha baba' ini:

1.Sud kaw pa akaun mu ha blogger.com, pagukab sud kaw madtu pa Lay-out. Pagsud mu pa Lay-out, dupuni in add a gadget. Pagguwa sin tuung-tuung lawaga in Ad sense. 

2. Bang mu kabaakan dupuni in adsense. tagari awn dasan gumuwa'. Pagguwa sinConfigure Adsense, ikaw na in magpi' sin Size sin banner hibutang mu ha blog mu.

3. In google adsense awn akaun niya. Subay kaw lumuun bayta' sin baran (data) mu palaum ampa kaw makaukab akaun.

4. Bang awn na napi' mu dupuni in Save. Ikaw na in magtakin bang hawnu mu patungurun in adsense mu yan. In sarayaw-rayaw niya bukun ha baba' hibutang mu.

5. In adsense piyasud muyan magad siya ha tapik sin blog mu. Bang in blog mu in tapik niya pagkaun, in adsense ha kid manga pagkaun da isab iban sin kaibanan amun manunjuki papagkaun.

6. Laung sin google ha tiyap-tiyap pagclick sin adsense yan awn sumud kaymu. Adapun in magclick subay amun magbibisita pa blag mu.

7. Laung sin kaibanan pantuk magusaha ha blag, in sarayaw-rayaw niya in usalun bahasa ha blag amuna in Anggalis. Karna' in bahasa anggalis agad kahatihan sin tau ha babaw dunya.

8. Awn pa isab dugaing pagusaha ha blag puas sin adsense. Pamassa-massa man kaw duun ha adsense akaun mu bang biyadiin in hikasung sin pagusaha mu.

9. Ha di kaku', bang in magbablag nagpaawn tumpukan nila, pagubus in ha laum tumpukan yaun naghihiyatihi na maluhay tuud pasurun in siyn pa akaun. Sawpama awn 20 ha laum sin hangka group, bang in tiyap-tiyap hangkatau daing ha kawhaan magclick hadja in hinang niya ha laum sin manga tunga jam pa hangka jam sin adsense sin panaiban niya tantu in sila katan makausaha adlaw-adlaw. Ampa wayra maig katu' bang kita magclick.

Hangkan na patumtum ha katawtaymanghuran magsusud blag, bang awn na kakitaanAds by google in hababa' ayaw nakaw tuan magduwa ruwa dupuni na bat in katawtaymanghuran karihilan mu siyn. Kuhnu pakaw isab dimihil. Tub-tub di naa ganap-ganapan tamayan in bahana' pasalan sin pagusaha ini.

Bang awn hikaganap niyu pikilan pa tungud ini ayaw magduwa ruwa pamayta' kamu.

Magsukul.

In hababa' yan comment sin Admin ha Tausug Network. Yari ku pikit di kalu awn makawa' natu' pangadjian.